விஜய் ஆண்டனியின் 'எமன்' ஓப்பனிங் வசூல் எப்படி?
- IndiaGlitz, [Monday,February 27 2017]
'பிச்சைக்காரன்', 'சைத்தான்' ஆகிய இரண்டு வெற்றி படங்களை அடுத்து கடந்த வெள்ளியன்று வெளியான விஜய் ஆண்டனியின் 'எமன்' திரைப்படம் ஊடகங்கள் மற்றும் சமூக வலைத்தளங்களில் பாசிட்டிவ் விமர்சனங்களை பெற்று திரையரங்குகளில் வெற்றிகரமாக ஓடி வருகின்றது.
இந்நிலையில் இந்த படத்தின் கடந்த வார இறுதி நாட்களின் சென்னை வசூல் குறித்து பார்ப்போம். சென்னையில் கடந்த வார இறுதியில் இந்த படம் 23 திரையரங்குகளில் 299 காட்சிகள் திரையிடப்பட்டு ரூ.1,04,39,510 வசூல் செய்துள்ளது. திரையரங்குகளில் 85% பார்வையாளர்கள் இருந்தனர் என்பது குறிப்பிடத்தக்கது.
மேலும் பாசிட்டிவ் விமர்சனங்கள் காரணமாக நல்ல ஓப்பனிங் வசூலை கொடுத்துள்ள இந்த படம் இந்த வாரமும் நல்ல வசூலை கொடுக்கும் என்று எதிர்பார்க்கப்படுகிறது.