லேடி சூப்பர் ஸ்டார் நயன்தாரா நடித்த மலையாள திரைப்படமான ’லவ் ஆக்சன் டிராமா’ என்ற திரைப்படம் சமீபத்தில் வெளியாகி கேரளாவில் பெரும் வரவேற்பை பெற்றது. இந்த நிலையில் தற்போது அவர் மலையாள சூப்பர் ஸ்டார் மம்முட்டியுடன் ஒரு படத்தில் நடிக்க ஒப்பந்தமாகியுள்ளார். இந்த படத்தில் ஒரு முக்கிய வேடத்தில் நடிக்க நடிகர் விஜய்சேதுபதியை படக்குழுவினர் அணுகினர். ஏற்கனவே விஜய்சேதுபதி, ஜெயராம் உடன் மார்கோனி மாத்தாய்’ என்ற மலையாள படத்தில் நடித்துள்ளதாலும், அவர் இந்த படத்தின் கேரக்டருக்கு பொருத்தமாக இருப்பார் என்று படக்குழுவினர் கருதியதாலும் அவரிடம் கதை கூறப்பட்டது.

விஜய்சேதுபதிக்கு படக்குழுவினர் கூறிய கதையும் தன்னுடைய கேரக்டரும் பிடித்து இருந்தது. ஆனால் எதிர்பாராத வகையில் படக்குழுவினர் கேட்ட தேதியை அவரால் கொடுக்க முடியாததால் இந்த படத்தில் அவர் நடிக்கவில்லை

இதனை அடுத்து படக்குழுவினர் விஜய்ஆண்டனியை அணுகி, அவரை இந்த படத்தில் நடிக்க ஒப்பந்தம் செய்தனர். இதனை அடுத்து விஜய் ஆண்டனி, நயன்தாரா நடிப்பது உறுதி செய்யப்பட்டது. விபின் என்பவர் இயக்கும் இந்த படத்தின் படப்பிடிப்பு வரும் டிசம்பர் முதல் தொடங்கவிருப்பதாகவும், இந்த படம் குறித்த அதிகாரபூர்வ அறிவிப்பு இன்னும் ஒருசில நாட்களில் வெளிவரும் என்றும் கூறப்படுகிறது