சினிமாவை விட்டு செல்லும் உதயநிதியை வாழ்த்தி அனுப்புகிறேன்: விஜய் ஆண்டனி..!
- IndiaGlitz, [Friday,June 02 2023]
உதயநிதி ஸ்டாலின் நடித்த ’மாமன்னன்’ திரைப்படத்தின் இசை வெளியீட்டு விழா நேற்று சென்னையில் நடந்த நிலையில் இந்த இசை வெளியீட்டு விழாவில் பேசிய நடிகரும் இயக்குனரும் இசையமைப்பாளருமான விஜய் ஆண்டனி சினிமாவை விட்டு செல்லும் உதயநிதி வாழ்த்திய அனுப்புகிறேன் என்று கூறியுள்ளார்.
இந்த விழாவில் பேசிய பலர் உதயநிதி சினிமாவை விட்டு செல்லக்கூடாது என்று பேசினர். ஆனால் உதயநிதி அவர்கள் அரசியல் காரணங்களுக்காக சினிமாவில் விட்டு செல்வதால் அவரை நான் வாழ்த்தி அனுப்புகிறேன் என்று விஜய் ஆண்டனி கூறினார்.
மேலும் உதயநிதி பழகுவதற்கு மிகவும் எளிமையானவர் என்றும் ஒரு பெரிய குடும்பத்தில் பிறந்திருந்தாலும் அவரிடம் எந்த விதமான ஈகோவும் இல்லை என்றும் அனைவரிடமும் மிகவும் எளிமையாக பழகுவார் என்றும் தெரிவித்தார்.
மேலும் மாரி செல்வராஜ் படங்கள் தனக்கு பிடிக்கும் என்றும் ஒவ்வொரு படத்தையும் அவர் வித்தியாசமான கோணத்தில் எடுத்து வருகிறார் என்றும் குறிப்பாக ’பரியேறும் பெருமாள்’ ’கர்ணன்’ ஆகிய இரண்டு படங்களையும் நான் பார்த்து இருக்கின்றேன் என்றும் அவரது பணி தொடரட்டும் என்றும் வாழ்த்து தெரிவித்தார்.