விஜய் ஆண்டனியின் 'பிச்சைக்காரன்' படத்தின் சென்சார் தகவல்
- IndiaGlitz, [Tuesday,February 09 2016]
பிரபல இசையமைப்பாளராக கோலிவுட்டில் வலம் வந்த விஜய் ஆண்டனி, 'நான்' என்ற படத்தின் மூலம் ஹீரோவாகி அதன் பின்னர் சலீம், இந்தியா பாகிஸ்தான் ஆகிய படங்களில் நடித்தார். மேலும் அவர் நடித்து முடித்துள்ள பிச்சைக்காரன் திரைப்படம் தற்போது ரிலீஸுக்கு தயார் நிலையில் உள்ளது.
இந்நிலையில் 'பிச்சைக்காரன்' திரைப்படம் இன்று சென்சார் செய்யப்பட்டது. இந்த படத்தை பார்த்த சென்சார் அதிகாரிகள் இந்த படத்திற்கு 'யூ' சர்டிபிகேட் அளித்துள்ளனர். இதனால் ஒரு ஹீரோவாக மட்டுமின்றி ஒரு தயாரிப்பாளராகவும் விஜய் ஆண்டனி மிகுந்த மகிழ்ச்சி அடைந்துள்ளார். இந்த படம் சென்சார் ஆகிவிட்டதை அடுத்து மிகவிரைவில் ரிலீஸ் தேதி அறிவிக்கப்படும் என எதிர்பார்க்கப்படுகிறது.
விஜய் ஆண்டனி, சாத்னா டைட்டஸ், பகவதிபெருமாள் உள்பட பலர் நடித்துள்ள இந்த படத்தை இயக்குனர் சசி இயக்கியுள்ளார். இவர் ஏற்கனவே சொல்லாமலே, ரோஜாக்கூட்டம், டிஷ்யூம், பூ உள்பட ஒருசில படங்களை இயக்கியவர் என்பது குறிப்பிடத்தக்கது. விஜய் ஆண்டனியின் மனைவி ஃபாத்திமா விஜய் ஆண்டனி தயாரித்துள்ள இந்த படத்திற்கு விஜய் ஆண்டனியே இசையமைத்துள்ளார் என்பது குறிப்பிடத்தக்கது.