தன்னிகரில்லா தமிழக முதல்வர் பெயரில் விஜய் ஆண்டனியின் அடுத்த படம்
- IndiaGlitz, [Friday,February 03 2017]
திராவிட முன்னேற்ற கழகத்தின் நிறுவனரான அறிஞர் அண்ணாவின் 48வது நினைவு நாள் இன்று அனுசரிக்கப்பட்டு வருகிறது. திமுக, அதிமுக உள்பட பல கட்சியின் தலைவர்கள் சென்னை மெரீனாவில் உள்ள அண்ணாவின் நினைவகத்திற்கு சென்று மலரஞ்சலி செலுத்து மரியாதை செய்து வருகின்றனர்.
இந்நிலையில் பிரபல நடிகர் விஜய் ஆண்டனி தன்னுடைய அடுத்த படத்திற்கு 'அண்ணாதுரை' என்ற டைட்டிலை வைத்திருப்பதாக கூறப்படுகிறது. பிச்சைக்காரன், சைத்தான், எமன் என விஜய் ஆண்டனியின் டைட்டில்கள் அனைத்தும் வித்தியாசமாகவும் கொஞ்சம் நெகட்டிவ்வாகவும் இருந்து வரும் நிலையில் தற்போது முற்றிலும் வித்தியாசமாக திராவிட இயக்கத்தின் தலைவர் ஒருவரின் பெயரை டைட்டிலாக தேர்வு செய்துள்ளது அனைவரையும் வியப்படைய வைத்துள்ளது.
இந்த படத்தை நடிகை ராதிகா தன்னுடைய ரேடான் புரடொக்ஷன்ஸ் நிறுவனத்தின் மூலம் தயாரிக்கவுள்ளார். இந்த படத்தை சீனுவாசன் என்ற அறிமுக இயக்குனர் இயக்குகிறார். தமிழ், தெலுங்கு என இருமொழிகளில் உருவாகவுள்ள இந்த படத்தின் படப்பிடிப்பு மிக விரைவில் தொடங்கும் என்று எதிர்பார்க்கப்படுகிறது,.