இரண்டாவது வார இறுதி வசூலில் பட்டையை கிளப்பிய 'எமன்'
- IndiaGlitz, [Monday,March 06 2017]
'பிச்சைக்காரன்' , 'சைத்தான்' என இரண்டு வெற்றிகளுக்கு பின்னர் விஜய் ஆண்டனி நடித்த 'எமன்' திரைப்படம் கடந்த பிப்ரவரி 24ஆம் தேதி வெளியாகி அவருக்கு ஹாட்ரிக் வெற்றியை கொடுத்துள்ளது.
இந்த படம் முதல் வார இறுதி நாட்களிலேயே நல்ல வசூல் செய்தது என்பதை பார்த்தோம். பாசிட்டிவ் ரிசல்ட் மற்றும் தொடர்ச்சியாக சமூக வலைத்தளங்களில் கிடைத்த பாராட்டுக்கள் காரணமாக 'எமன்' திரைப்படம் இரண்டாவது வார இறுதியிலும் வசூலில் பட்டையை கிளப்பியுள்ளது.
இரண்டு வார இறுதியில் இந்த படம் தமிழகத்தில் சுமார் ரூ.13 கோடி வசூல் செய்துள்ளது. குறிப்பாக சென்னையில் ரூ.1.83 கோடியும், செங்கல்பட்டு பகுதியில் ரூ.3.5 கோடியும், கோவையில் ரூ.2.2 கோடியும் வசூல் செய்துள்ளது. கோலிவுட்டில் இந்த ஆண்டின் முதல் வெற்றிப்படமாக விஜய் ஆண்டனியின் 'எமன்' அமைந்துள்ளது என்பது குறிப்பிடத்தக்கது.