விஜய் ஆண்டனி நடித்த ’பிச்சைக்காரன்’ என்ற திரைப்படம் கடந்த 2016 ஆம் ஆண்டு வெளியாகி மிகப்பெரிய வெற்றி பெற்ற நிலையில் இந்த படத்தின் இரண்டாம் பாகம் கடந்த சில மாதங்களாக உருவாகி வந்தன என்பதை ஏற்கனவே பார்த்தோம், இந்த நிலையில் இந்த படம் மே 19ஆம் தேதி திரையரங்குகளில் தமிழ், தெலுங்கு ஆகிய இரண்டு மொழிகளில் வெளியாக இருக்கும் நிலையில் சற்றுமுன் இந்த படத்தின் டிரைலர் வெளியாகி உள்ளது.

விஜய் குருமூர்த்தி என்ற ஒரு லட்சம் கோடிக்கு சொந்தக்காரரான தொழிலதிபர் கேரக்டரில் விஜய் ஆண்டனி இந்த படத்தில் நடித்துள்ளார். இந்த நிலையில் அவரை அழிப்பதற்காக எதிரிகள் செய்யும் சதிகளை அவர் எப்படி முறியடிக்கிறார் என்பதுதான் இந்த படத்தின் கதை என்று ட்ரைலரிலிருந்து தெரிய வருகிறது.

‘பிச்சைக்காரன்’ முதல் பாகம் போலவே இந்த இரண்டாம் பாகமும் ரசிகர்கள் மத்தியில் நல்ல வரவேற்பு வரும் என்று எதிர்பார்க்கப்படுகிறது. விஜய் ஆண்டனி, காவியா தபார், ராதாரவி, ஒய் ஜி மகேந்திரன், மன்சூர் அலிகான், யோகிபாபு, ஹரிஷ் பெராடி, ஜான் விஜய் உள்பட பலர் நடிப்பில் உருவாகிய இந்த படத்தை விஜய் ஆண்டனி தயாரித்து, இயக்கி, இசையமைத்து, படத்தொகுப்பும் செய்துள்ளார் என்பது குறிப்பிடத்தக்கது.