விஜய் ஆண்டனியின் அடுத்த பட ரிலீஸ் குறித்த தகவல்
- IndiaGlitz, [Friday,August 23 2019]
விஜய் ஆண்டனியின் நடித்த 'கொலைகாரன்' திரைப்படம் சமீபத்தில் வெளியாகி வெற்றி பெற்ற நிலையில் அவர் தற்போது 'மூடர் கூடம்' நவீன் இயக்கத்தில் 'அக்னி சிறகுகள்' என்ற படத்திலும், பாபு யோகேஸ்வரன் இயக்கத்தில் 'தமிழரசன்' என்ற படத்திலும் நடித்து வருகிறார்.
இந்த நிலையில் 'வாய்மை' என்ற திரைப்படத்தை இயக்கிய செந்தில்குமார் என்ற இயக்குனரின் படம் ஒன்றிலும் விஜய் ஆண்டனி நடித்து வருகிறார் என்பது குறிப்பிடத்தக்கது. இந்த படத்தில் விஜய் ஆண்டனியுடன் இந்துஜா, சத்யராஜ், 'காலா' புகழ் ஈஸ்வரிராவ், யோகிபாபு உள்பட பலர் நடித்து வருகின்றனர். பொதுவாக விஜய் ஆண்டனி நடிக்கும் படத்திற்கு அவரே இசையமைப்பார். ஆனால் இந்த படத்திற்கு அகத் என்பவர் இசையமைத்து வருகிறார்.
இந்த நிலையில் இந்த படத்தின் ரிலீஸ் உரிமையை இன்ஃபினிட்டி பிலின் வெஞ்சர்ஸ் என்ற நிறுவனம் பெற்றுள்ளது. இந்த படத்தின் படப்பிடிப்பு விறுவிறுப்பாக நடைபெற்று வருவதாகவும் இந்த படம் வரும் டிசம்பர் மாதம் வெளியாகும் என்றும் இன்ஃபினிட்டி பிலின் வெஞ்சர்ஸ் அறிவித்துள்ளது.