விஜய் ஆண்டனியின் 'அண்ணாதுரை' டிரைலர் ரிலீஸ் தேதி அறிவிப்பு
- IndiaGlitz, [Thursday,October 05 2017]
இசையமைப்பாளர் மற்றும் நாயகன் விஜய் ஆண்டனி நடிப்பில் அறிமுக இயக்குனர் ஸ்ரீனிவாஸ் இயக்கியுள்ள படத்தின் படப்பிடிப்புகள் முடிவடைந்து தற்போது போஸ்ட் புரடொக்சன்ஸ் பணிகள் விறுவிறுப்புடன் நடந்து வருகிறது.
இந்த படத்தில் விஜய் ஆண்டனி இருமாறுபட்ட வேடங்களில் நடிப்பது மட்டுமின்றி இசை, எடிட்டிங் ஆகிய பணிகளையும் செய்து வருகிறார். இந்த நிலையில் மிகுந்த எதிர்பார்ப்பை ஏற்படுத்தியுள்ள இந்த படத்தின் டிரைலர் ரிலீஸ் தேதி தற்போது அறிவிக்கப்பட்டுள்ளது.
வரும் அக்டோபர் 11ஆம் தேதி இந்த படத்தின் டிரைலர் வெளியாகவுள்ளது. ராதிகா சரத்குமார் தயாரித்துள்ள இந்த படம் இவ்வருட இறுதியில் வெளியாகும் என்று எதிர்பார்க்கப்படுகிறது.