நடிகர், இசையமைப்பாளர் விஜய் ஆண்டனி நடித்த 'அண்ணாதுரை' படத்தின் படப்பிடிப்பு மற்றும் போஸ்ட் புரடொக்சன்ஸ் பணிகள் முடிவடைந்து சமீபத்தில் இந்த படம் சென்சார் செய்யப்பட்டு 'யூஏ' சான்றிதழ் பெற்றது என்பதை ஏற்கனவே பார்த்தோம். இந்த நிலையில் இந்த படத்தின் ரிலீஸ் தேதி குறித்த அதிகாரபூர்வ அறிவிப்பு வெளியாகியுள்ளது.

'அண்ணாதுரை' திரைப்படம் நவம்பர் 30ஆம் தேதி வெளியாகவுள்ளதாக அறிவிக்கப்பட்டது. இதனை உறுதி செய்வதுபோல் ரிலீஸ் தேதியுடன் கூடிய புதிய போஸ்டர் ஒன்றும் இணையதளங்களில் வெளியாகியுள்ளது. மேலும் இதே நவம்பர் 30ஆம் தேதிதான் சசிகுமாரின் 'கொடிவீரன்' திரைப்படமும் வெளியாகவுள்ளது என்பது குறிப்பிடத்தக்கது.

விஜய் ஆண்டனி, டயானா, மஹிமா, காளி வெங்கட், ராதாரவி உள்ளிட்ட பலர் நடித்துள்ள இந்த படத்திற்கு தில்ராஜ் ஒளிப்பதிவு செய்துள்ளார். தமிழ், தெலுங்கு என இரண்டு மொழிகளில் உருவாகியிருக்கும் இந்த படத்திற்கு விஜய் ஆண்டனி இசையமைத்துள்ளதோடு, எடிட்டிங் பணியும் செய்துள்ளார் என்பது குறிப்பிடத்தக்கது.