விஜய் ஆண்டனி ஆரம்பித்து வைத்த புது டெக்னிக்
- IndiaGlitz, [Tuesday,May 15 2018]
ஒரு புதிய திரைப்படத்தின் புரமோஷன் என்றால் டீசர், டிரைலர் வெளியிடுவதைத்தான் இதுவரை தமிழ் திரையுலகம் செய்து வருகிறது. ஆனால் முதல் முறையாக விஜய் ஆண்டனி தனது சைத்தான் படத்தின் ரிலீசுக்கு முன்னர் படத்தின் முதல் நான்கு நிமிட காட்சிகளை வெளியிட்டு பரபரப்பை ஏற்படுத்தினார். இந்த காட்சிகள் படத்தை பார்க்க தூண்டியது என்பதும் குறிப்பிடத்தக்கது.
இந்த புதிய டெக்னிக்கை அவர் தனது 'காளி' படத்திலும் பயன்படுத்தியுள்ளார். இந்த படத்தின் முதல் ஏழு நிமிட காட்சிகளை இன்று இரவு ஏழு மணிக்கு விஜய் ஆண்டனி தனது சமூக வலைத்தள பக்கத்தில் வெளியிடவுள்ளார். இந்த புதுமையான டெக்னிக், சைத்தான் படத்தை போலவே இந்த படத்தையும் பார்க்க வைக்கும் என்று எதிர்பார்க்கப்படுகிறது.
இதே டெக்னிக்கை சமீபத்தில் அதர்வா தனது செம போத ஆகாதே' படத்தின் புரமோஷனிலும் பயன்படுத்தினார் என்பது குறிப்பிடத்தக்கது.
விஜய் ஆண்டனி, அஞ்சலி, சுனைனா, உள்பட பலர் நடித்துள்ள இந்த படத்தை கிருத்திகா உதயநிதி இயக்கியுள்ளார். விஜய் ஆண்டனி இசையமைப்பில், ரிச்சர்ட் எம்.நாதன் ஒளிப்பதிவில், லாரன்ஸ் கிஷோர் படத்தொகுப்பில் உருவாகியுள்ள இந்த படத்தை விஜய் ஆண்டனி பிலிம் கார்ப்பரேசன் நிறுவனம் தயாரித்துள்ளது.