விஜய் ஆண்டனி, அர்ஜூன் இணைந்து நடித்த 'கொலைகாரன்' திரைப்படத்தின் ரிலீஸ் தேதி விரைவில் அறிவிக்கப்படும் என்று கூறப்பட்ட நிலையில் சற்றுமுன் வெளியான அந்த படத்தின் புரமோஷன் வீடியோவில் ரிலீஸ் தேதி குறிப்பிடப்பட்டுள்ளது

இதன்படி 'கொலைகாரன்' திரைப்படம் ரம்ஜான் திருநாளை முன்னிட்டு வரும் ஜூன் 5ஆம் தேதி ரிலீஸ் ஆகும் என அறிவிக்கப்பட்டுள்ளது. இதனையடுத்து இந்த படத்தின் புரமோஷன் பணிகள் விறுவிறுப்பாகியுள்ளது.

பெரும் எதிர்பார்ப்பை ஏற்படுத்தியுள்ள த்ரில் சஸ்பென்ஸ் திரைப்படமான 'கொலைகாரன்' படத்தில் விஜய் ஆண்டனி, அர்ஜூன், ஆஷிமா, சீதா, நாசர், சத்யன், குருசோமசுந்தரம், மயில்சாமி, ஜான் விஜய் உள்பட பலர் நடித்துள்ளனர். இந்த படத்தை ஆண்ட்ரூ ஏகாம்பரம் இயக்கியுள்ளார். சைமன் கிங் இசையில் முகேஷ் ஒளிப்பதிவில் விவேக் ஹர்ஷன் படத்தொகுப்பில் உருவாகியுள்ள இந்த படத்தை பிரதீப் தயாரித்துள்ளார்.

#Kolaigaran release date ?? pic.twitter.com/YDhaNryg9B

— vijayantony (@vijayantony) April 27, 2019