விஜய் ஆண்டனியின் அடுத்த படத்தில் குவிந்த பிரபலங்கள்
- IndiaGlitz, [Monday,March 04 2019]
விஜய் ஆண்டனி நடித்து வரும் படம் ஒன்றை இயக்குனர் செந்தில்குமார் என்பவர் இயக்கவுள்ளார் என்பதும், இந்த படத்தின் படப்பிடிப்பு சமீபத்தில் தொடங்கியது என்பதும் தெரிந்ததே.
இந்த நிலையில் இந்த படத்தில் விஜய் ஆண்டனி போலீஸ் கேரக்டரில் நடிக்கவுள்ளார். அவர் மட்டுமின்றி இந்த படத்தில் சத்யராஜூம் போலீஸ் கேரக்டரில் நடிக்கவுள்ளார். இதனால் தான் இந்த படத்திற்கு 'காக்கிடா' என்ற டைட்டில் வைக்கப்பட்டுள்ளது. மேலும் இந்த படத்தில் விஜய் ஆண்டனிக்கு மாமனாராக சத்யராஜூம், மாமியாராக ஈஸ்வரி ராவ் அவர்களும் நடித்து வருகின்றனர். இந்த படத்தில் காமெடி நடிகர்கள் யோகிபாபு மற்றும் ரோபோ சங்கரும் உள்ளனர்.
இந்த படத்தில் ஜெய் முக்கிய வேடத்தில் அதாவது அதெலட்டிக் ஸ்போர்ட்ஸ்மேனாக நடிக்கின்றார். இவர் ஒரு ஃபாரின் ரிட்டன் கேரக்டரில் நடிப்பதாகவும், இவருடைய கேரக்டர் இந்த படத்தின் முக்கியத்துவம் பெற்ற கேரக்டர் என்றும் கூறப்படுகிறது. மேலும் இந்த படத்திற்காக விஜய் ஆண்டனி சிக்ஸ்பேக் உடலமைப்புக்கு முயற்சித்து வருகிறார் என்பதும் குறிப்பிடத்தக்கது.
விஜய் ஆண்டனி, ஜெய், சத்யராஜ், ஈஸ்வரிராவ், ரோபோ சங்கர், யோகிபாபு என முன்னணி நட்சத்திரங்கள் இந்த படத்தில் இணைந்துள்ளதால் இந்த படம் நல்ல எதிர்பார்ப்பை ஏற்படுத்தியுள்ளது. இந்த படத்தில் விஜய் ஆண்டனி ஜோடியாக நடிக்க கோலிவுட்டின் முன்னணி நடிகை ஒருவரிடம் பேச்சுவார்த்தை நடத்தப்பட்டு வருகிறது.