விஜய் ஆண்டனிக்கு 4 நிமிடங்கள், சதீஷுக்கு 6 நிமிடங்கள்.. 2 வீடியோக்கள் வைரல்..!
- IndiaGlitz, [Thursday,September 26 2024]
நாளை கார்த்தியின் மெய்யழகன் உள்பட சில திரைப்படங்கள் வெளியாக இருக்கின்றன. அதில் இரண்டு படங்களின் முதல் சில நிமிட காட்சிகள் வெளியாகி, அந்த படங்களின் எதிர்பார்ப்பை அதிகரித்துள்ளது.
விஜய் ஆண்டனி நடித்த 'ஹிட்லர்’ திரைப்படம் நாளை வெளியாக இருக்கின்ற நிலையில், இந்த படத்தின் முதல் நான்கு நிமிட காட்சி வெளியாகியுள்ளது. அதில், ஒரு ஆற்றை கடந்து செல்லும் பெண்கள் ஆபத்தான நிலையில் இருப்பதையும், அவர்களில் ஒருவர் ஆற்று தண்ணீரில் அடித்து செல்லப்படுவது போன்ற காட்சியும் இடம்பெற்றுள்ளது.
அதேபோல், சதீஷ் நடித்த 'சட்டம் என் கையில்’ திரைப்படமும் நாளை வெளியாக இருக்கின்றது. இந்த படத்தில் இருந்து ஆறு நிமிட காட்சிகள் வெளியாகியுள்ளன. இதில், தனது குழந்தையை மருத்துவமனை மருத்துவர்கள் கொன்றுவிட்டதாக ஒருவர் காவல்துறையில் புகார் அளிக்கும் காட்சியும், சில மற்ற காட்சிகளும் உள்ளன.
கடந்த சில ஆண்டுகளாக, திரைப்படங்கள் வெளியாகும் போது அதன் முதல் சில நிமிட காட்சிகள் வெளியாகி வருகிறது. ஏற்கனவே விஜய் ஆண்டனி நடித்த ’சைத்தான்’, ’பிச்சைக்காரன் 2’ உள்ளிட்ட படங்களிலும் நான்கு நிமிட காட்சிகள் வெளியானது குறிப்பிடத்தக்கது.