பிரபல தயாரிப்பு நிறுவனத்துடன் இணையும் விஜய் ஆண்டனி - 'மூடர்கூடம்' நவீன்
- IndiaGlitz, [Wednesday,April 18 2018]
நடிகரும் இசையமைப்பாளருமான விஜய் ஆண்டனி நடித்து முடித்துள்ள 'காளி' திரைப்படம் விரைவில் வெளிவரவுள்ள நிலையில் அவர் நடிக்கவுள்ள அடுத்த படத்தை 'மூடர்கூடம்' படத்தை இயக்கிய நவீன் இயக்கவுள்ளார். ஆக்சன் மற்றும் த்ரில்லர் கதையம்சம் கொண்ட இந்த படத்தை கோலிவுட்டில் பல வெற்றி படங்களை தயாரித்த டி.சிவா அவர்களின் அம்மா கிரியேஷன்ஸ் நிறுவனம் தயாரிக்கவுள்ளது.
இந்த படம் அம்மா கிரியேஷன்ஸ் நிறுவனம் தயாரிக்கும் 23வது படம் என்பது குறிப்பிடத்தக்கது. இந்த படத்தின் படப்பிடிப்பு வரும் ஜூலை முதல் தொடங்கவுள்ளதாகவும் இந்த படத்தில் நடிக்கும் நடிகர், நடிகையர் மற்றும் தொழில்நுட்ப கலைஞர்கள் தேர்வு நடைபெற்று வருவதாகவும், இதுகுறித்த அறிவிப்பு விரைவில் வெளிவரும் என்றும் கூறப்படுகிறது.
டி.சிவா, விஜய் ஆண்டனி, நவீன் ஆகிய மூவரும் முதல்முறையாக இணையும் இந்த படம் அம்மா கிரியேஷன்ஸ் தயாரிப்பு நிறுவனத்தின் மற்றொரு வெற்றிப்படமாக இருக்கும் என்று கருதப்படுகிறது.