பிரபல நடிகர் மற்றும் இசையமைப்பாளர் விஜய் ஆண்டனி நடித்த அடுத்த படத்தின் ரிலீஸ் தேதி அதிகாரபூர்வமாக அறிவிக்கப்பட்டுள்ளது.

பிரபல நடிகர் மற்றும் இசையமைப்பாளர் விஜய் ஆண்டனி நடித்த நடித்து வரும் படங்களில் ஒன்று ‘கோடியில் ஒருவன்’ என்பது தெரிந்ததே. இந்த படத்தின் படப்பிடிப்பு மற்றும் போஸ்ட் புரடக்ஷன் பணிகள் கடந்த சில மாதங்களாக நடைபெற்று ரிலீசுக்கு தயாரானது என்பது குறிப்பிடத்தக்கது. மேலும் இந்த படம் கடந்த மே மாதமே ரிலீஸ் செய்ய திட்டமிடப்பட்டு அறிவிப்பு செய்யப்பட்டது. ஆனால் திடீரென ஊரடங்கு உத்தரவு பிறப்பிக்கப்பட்டதை அடுத்து ரிலீஸ் தேதி தள்ளி வைக்கப்பட்டது.

இந்த நிலையில் இன்று காலை ’கோடியில் ஒருவன்’ ரிலீஸ் தேதி அறிவிக்கப்படும் என நேற்றே தகவல்கள் இந்த நிலையில் சற்று முன்னர் செப்டம்பர் 17ஆம் தேதி இந்த படம் ரிலீஸாகும் என அதிகாரபூர்வமாக அறிவிக்கப்பட்டுள்ளது. தமிழ் தெலுங்கு ஆகிய இரண்டு மொழிகளில் உருவாகியிருக்கும் இந்த படம் திரையரங்குகளில் வெளியாக உள்ளது என்பதை படக்குழுவினர் உறுதி செய்துள்ளனர்.

‘மெட்ரோ’ என்ற திரைப்படத்தை இயக்கிய ஆனந்த கிருஷ்ணன் இயக்கத்தில் உருவாகிய இந்த படத்தில் விஜய் ஆண்டனி ஜோடியாக ஆத்மிகா நடித்துள்ளார். நிவாஸ் கே பிரசன்னா இந்த படத்திற்கு இசையமைத்து உள்ளார் என்பதும் இந்த படத்தின் எடிட்டிங் பணியை விஜய் ஆண்டனி கவனித்து உள்ளார் என்பது குறிப்பிடத்தக்கது.