గత ఏడాది తెలుగు సినిమా మార్కెట్లోకి సునామీలా దూసుకొచ్చి సరికొత్త సంచలనాలను సృష్టించిన హీరో విజ‌య్ ఆంటోని. డా.సలీం, నకిలీ సినిమాలతో విభిన్న చిత్రాల హీరోగా పేరు తెచ్చుకున్న విజయ్ , బిచ్చ‌గాడు తో స్టార్ ఇమేజ్ ను తెచ్చుకోగలిగారు. ఓ వైపు సంగీత ద‌ర్శ‌కుడిగా బిజీగా ఉంటూనే హీరోగా త‌న‌ని తాను సరికొత్తగా ఆవిష్క‌రించుకున్న ఆంటోని ప్ర‌స్తుతం తెలుగు, త‌మిళ మార్కెట్లో హాట్ టాపిక్‌ గా మారిపొయాడు. అత‌డు న‌టించిన సినిమా వ‌స్తోంది అంటేనే అదో అటెన్షన్.

`బిచ్చ‌గాడు` చిత్రంతో సంచ‌ల‌న విజ‌యం అందుకున్న విజ‌య్ ఆంటోని ఎంచుకునే క‌థ‌ల్లో సంథింగ్ స్పెషాలిటి ఆడియెన్‌కి విప‌రీతంగా న‌చ్చుతోంది. మరోపక్క అత‌డు త‌న‌కు తానే ఓ బ్రాండ్‌గా ఆవిష్క‌రించుకున్న తీరు మార్కెట్ వ‌ర్గాల‌కు న‌చ్చుతోంది. అందుకే విజయ్ న‌టించిన `భేతాళుడు` చిత్రానికి త‌మిళ్‌, తెలుగు మార్కెట్ల‌లో అసాధార‌ణ క్రేజు నెల‌కొంది. అస‌లు ఆంటోని ఓ సినిమాలో న‌టిస్తున్నాడు అంటేనే బ‌య్య‌ర్లు, డిస్ట్రిబ్యూట‌ర్లు ఫ్యాన్సీ ఎమోంట్ లను ఆఫర్ చెస్తున్నారంటే అతిశ‌యోక్తి కాదు. భేతాళుడు ఫ‌స్ట్‌లుక్ పోస్ట‌ర్లు, ట్రైల‌ర్స్ తో పాటు తొలి పది నిమిషాల సినిమాని కూడా ఆడియెన్స్ కు ముందుగానే చూపించారంటేనే విజయ్ ఈ సినిమా విజయం పై ఎంత కాన్పిడెన్స్ తో ఉన్నారో అర్ధం చేసుకోవ‌చ్చు.