'தளபதி 64' படத்தில் த்ரிஷாவா? ராஷ்மிகாவா? படக்குழுவினர் விளக்கம்
- IndiaGlitz, [Saturday,June 01 2019]
தளபதி விஜய் நடித்து வரும் 63வது படமான 'தளபதி 63' படத்தை அடுத்து அவர் லோகேஷ் கனகராஜ் இயக்கத்தில் தனது 64வது படத்தில் நடிக்கவுள்ளார். இந்த படத்தின் ஆரம்பகட்ட பணிகள் விரைவில் தொடங்கவுள்ளன.
இந்த விலையில் 'தளபதி 64' படத்தில் விஜய்க்கு ஜோடியாக த்ரிஷா நடிக்கவுள்ளதாக ஒரு வதந்தி பரவி வருகிறது. இருவரும் இணைந்து நடித்த 'கில்லி', 'திருப்பாச்சி', 'ஆதி' போன்ற படங்கள் ஹிட்டானதால் மீண்டும் இணைய வாய்ப்புள்ளதாக கூறப்பட்டது. அதேபோல் 'தளபதி 63' விஜய்க்கு ஜோடியாக நடிப்பார் என கருதப்பட்டு கடைசி நேரத்தில் நூலிழையில் வாய்ப்பை இழந்தவர் ராஷ்மிகா மந்தனா. எனவே இவர்தான் விஜய்யின் அடுத்த படத்தின் நாயகி என்றும் கூறப்பட்டது.
இந்த நிலையில் இதுகுறித்து விளக்கமளித்த படக்குழுவினர், 'லோகேஷ் தற்போது 'கைதி' படத்தின் போஸ்ட் புரடொக்சன்ஸ் பணியில் பிசியாக உள்ளார். அதேபோல் விஜய், 'தளபதி 63' படத்தில் பிசியாக உள்ளார். இருவரும் தங்களது படத்தை முடித்தபின்னர் கலந்து பேசி, நாயகி யார்? என்பதை முடிவு செய்வார்கள். இந்த படத்திற்கு இதுவரை நாயகி யாரும் பரிசீலிக்கப்படவில்லை. இதுகுறித்து வெளிவந்து கொண்டிருக்கும் தகவல் அனைத்தும் வதந்தியே என்று கூறியுள்ளனர்.