தளபதி விஜய் நடிக்க இருக்கும் 65வது படத்தை இயக்குனர் சுதா கொங்காரா இயக்குவார் என ஏற்கனவே அனைத்து ஊடகங்களிலும் செய்திகள் வெளியாகி பரபரப்பை ஏற்படுத்தி வருகிறது. இந்த நிலையில் ஏற்கனவே விஜய்யை சந்தித்த சுதா கொங்கரா, ’தளபதி 65’ படத்தின் ஒன்லைன் கதையை தெரிவித்து ஓகே வாங்கி விட்டதாகவும் அதனை அடுத்து இன்னும் ஒரு சில நாட்களில் விஜய்யை மீண்டும் சந்தித்து முழு கதையையும் அவருக்கு சொல்ல இருப்பதாகவும் செய்திகள் வெளியாகியுள்ளது

ஆரம்ப காட்சி முதல் கிளைமாக்ஸ் வரை முழு கதையை கேட்ட பின்னர் விஜய் தனது இறுதி முடிவை அறிவிப்பார் என்றும் அதனை அடுத்து இயக்குனர் சுதா கொங்கரா, சன் டிவி நிறுவனர் கலாநிதி மாறன் அவர்களுக்கும் கதையைச் சொல்வார் என்றும் அதன் பின்னர் இந்த படத்தின் அதிகாரப்பூர்வ அறிவிப்பு வெளியாகும் என்றும் கோலிவுட்டில் பரபரப்பாக பேசப்பட்டு வருகிறது

எனவே விஜய்யுடன் சுதா கொங்காரா இணைவது கிட்டத்தட்ட உறுதிசெய்யப்பட்டதாகவே கூறப்படுவதால் வெகு விரைவில் இது குறித்த அதிகாரப்பூர்வ அறிவிப்பு வெளியாகும் என்று கூறப்படுகிறது