4 கார் இருக்குதுல்ல, சைக்கிள்ல்ல ஏன் போனிங்க: விஜய்யை கிண்டல் செய்த நெல்சன்
- IndiaGlitz, [Monday,April 04 2022]
தளபதி விஜய் நடித்து முடித்துள்ள ’பீஸ்ட்’ திரைப்படம் வரும் 13ஆம் தேதி வெளியாக இருக்கும் நிலையில் இந்த படம் குறித்து இயக்குனர் நெல்சன் மற்றும் விஜய் ஜாலியாக பேசும் பேட்டி சன் டிவியில் வரும் 10ஆம் தேதி ஒளிபரப்பாக உள்ளதாக வெளிவந்த செய்தியை ஏற்கனவே பார்த்தோம்.
இந்த நிலையில் இந்த பேட்டியின் முதல் புரோமோ வீடியோ நேற்று வெளியான நிலையில் சற்றுமுன் அடுத்த வீடியோ வெளியாகி உள்ளது. அந்த வீடியோவில் ’ஜாலியோ ஜிம்கானா’ பாடலை விஜய் அழகாக பாடி காண்பிக்கிறார்.
அதன்பின் நெல்சன் கேட்ட கேள்விகளில் ஒன்று, ‘4 கார் இருக்கும் போது சைக்கிளில் ஏன் போனிங்க’ என்று கேட்க அதற்கு விஜய் சிரித்துக்கொண்டே பதில் சொல்லாமல் அடுத்த கேள்விக்கு செல்லுமாறு சைகை காட்டுகிறார்.
சமீபத்தில் நடந்த தேர்தலில் ஓட்டு போடுவதற்காக விஜய் சைக்கிளில் சென்றது பெரும் பரபரப்பை ஏற்படுத்தியதை அடுத்து நெல்சன் இந்த கேள்வியை கேட்டு உள்ளார் என்பது குறிப்பிடத்தக்கது .
இந்த பேட்டியின் வீடியோக்களை பார்க்கும் போது இன்னும் என்னென்ன வில்லங்கமான கேள்விகளை விஜய்யிடம் நெல்சன் கேட்டார், அதற்கு விஜய் எப்படி சமாளித்தார் என்பதை வரும் 10ஆம் தேதி வரை பொறுத்திருந்து பார்ப்போம்.