ஹாட்ரிக் வெற்றிக்கு வித்திடுவார்களா விஜய்-முருகதாஸ்?
- IndiaGlitz, [Thursday,July 09 2015]
இளையதளபதி விஜய் நடித்த 58வது படமான 'புலி' விரைவில் ரிலீஸாகவுள்ளது. அதேவேளையில் அவர் நடித்து வரும் 59வது படத்தின் படப்பிடிப்பு கடந்த 1ஆம் தேதி முதல் ஆரம்பிக்கப்பட்டு விறுவிறுப்பாக நடைபெற்று வருகின்றது. இந்நிலையில் விஜய் 60" படத்தின் ஆரம்பகட்ட பேச்சுவார்த்தை தொடங்கிவிட்டதாகவும், இன்னும் சில நாட்களில் இதுகுறித்த அதிகாரபூர்வ அறிவிப்பு வெளியாகும் என்றும் கூறப்படுகிறது.
விஜய் 60" படத்தை துப்பாக்கி, கத்தி ஆகிய இரண்டு சூப்பர் ஹிட் படத்தை இயக்கிய ஏ.ஆர்.முருகதாஸ் இயக்க வேண்டும் என விஜய் ரசிகர்கள் சமூக இணையதளங்களில் கருத்து தெரிவித்து வருகின்றனர். ரசிகர்களின் ஆசைப்படியே இந்த படத்தை ஏ.ஆர்.முருகதாஸ் இயக்க அதிக வாய்ப்பு உள்ளதாக கூறப்படுகிறது.
ஏ.ஆர்.முருகதாஸ் தற்போது சோனாக்ஷி சின்ஹா நடிக்கும் 'அகிரா' படத்தை இயக்கி வருகிறார். இந்த படமும், விஜய் 59' படமும் கிட்டத்தட்ட ஒரே நேரத்தில் முடிவடையும் என்றும், அதன்பின்னர் இரண்டு ஸ்டார்களும் மூன்றாவது முறையாக இணைவார்கள் என்றும் எதிர்பார்க்கப்படுகிறது. எப்படியோ துப்பாக்கி, கத்தி படங்களை அடுத்து விஜய்-முருகதாஸ் கூட்டணி ஹாட்ரிக் வெற்றிக்கு வித்திடுவார்களா? என்பதை பொறுத்திருந்து பார்ப்போம்.