இளையதளபதி விஜய் நடித்து வரும் 'தெறி' படத்தின் கடைசி கட்ட படப்பிடிப்பு நடைபெற்று வரும் நிலையில் இந்த படத்தின் படப்பிடிப்பு பொங்கலுக்கு முன்னர் முற்றிலும் முடிந்துவிடும் என்று செய்திகள் வெளியாகியது. ஆனால் தற்போது வந்துள்ள புதிய தகவலின்படி இந்த படத்தில் இன்னும் ஒரு பாடலின் படப்பிடிப்பு மீதமிருப்பதாகவும் எனவே இந்த படத்தின் படப்பிடிப்பு பொங்கலுக்கு பின்பு பத்து நாட்களுக்கும் மேல் நடைபெற வாய்ப்பு இருப்பதாகவும் கூறப்படுகிறது.

அதேபோல் இந்த படத்தின் படப்பிடிப்பு முற்றிலும் முடிந்த பின்னர்தான் டீசர் தயாரிக்கும் பணிகள் நடைபெறும் என்றும் வரும் பொங்கல் தினத்தில் 'தெறி' படத்தின் டீசர் உள்பட எவ்வித புரமோஷனும் வெளிவர வாய்ப்பில்லை என்றும் கூறப்படுகிறது.

விஜய், சமந்தா, எமிஜாக்சன், பிரபு, ராதிகா சரத்குமார்,இயக்குனர் மகேந்திரன், சத்யராஜ், மொட்டை ராஜேந்திரன், அழகம் பெருமாள், காளி வெங்கட், உள்பட பலர் நடிக்கும் இந்த படத்தில் நடிகை சுனைனா சிறப்பு தோற்றத்தில் நடித்துள்ளார். கலைப்புலி எஸ்.தாணு இந்த படத்தை பிரமாண்டமாக தயாரித்து வருகிறார். இந்த படம் வரும் தமிழ்ப்புத்தாண்டு தினத்தில் வெளியாகும் என எதிர்பார்க்கப்படுகிறது.