சூப்பர் ஹிட் கொடுத்த இயக்குனருடன் மீண்டும் விஜய்?
- IndiaGlitz, [Friday,May 27 2016]
விஜய்யின் சூப்பர் ஹிட் வெற்றிப்படங்களை பட்டியலிட்டால் அதில் கண்டிப்பாக எழில் இயக்கிய 'துள்ளாத மனமும் துள்ளும்' என்ற படம் இடம் பெறும். விஜய், சிம்ரன் நடிப்பில் எஸ்.ஏ.ராஜ்குமார் இசையில் உருவான இந்த படம் அனைத்து தரப்பினர்களையும் கவர்ந்தது என்பது குறிப்பிடத்தக்கது.
விஜய் மற்றும் எழில் இருவருக்குமே இந்த படம் ஒரு திருப்புமுனையாக அமைந்த நிலையில் தற்போது மீண்டும் இருவரும் விரைவில் இணையவுள்ளதாக செய்திகள் வெளிவந்துள்ளது. விஜய் தற்போது 'விஜய் 60' படத்தில் பிசியாக இருப்பதால் விரைவில் இதுகுறித்த அறிவிப்பு வெளிவரும் என எதிர்பார்க்கப்படுகிறது.
எழில் தற்போது விஷ்ணு, நிக்கி கல்ராணி நடித்துள்ள 'வேலைன்னு வந்துட்டா வெள்ளைக்காரன்' என்ற படத்தை இயக்கி முடித்துள்ளார். இந்த படம் வரும் ஜூன் 3ஆம் தேதி வெளியாகவுள்ளது என்பது குறிப்பிடத்தக்கது.