புரட்சித் தளபதி விஷால் நடிப்பில் உருவாகி வரும் ’மார்க் ஆண்டனி’ திரைப்படத்தின் டீசரை தளபதி விஜய் வெளியிட உள்ளார் என்ற செய்தியை ஏற்கனவே பார்த்தோம். இந்த நிலையில் விஜய்யை நேரில் சந்தித்து ’மார்க் ஆண்டனி’ திரைப்படத்தின் குழுவினர் குறித்த புகைப்படங்கள் தற்போது வெளியாகி உள்ளன.

தளபதி விஜய்யை சந்தித்த விஷால், ’மார்க் ஆண்டனி’ திரைப்படத்தின் டீசரை காண்பித்தார். இதை பார்த்து மகிழ்ச்சி அடைந்த விஜய், படக்குழுவினர்களை பாராட்டி ’நண்பனுக்காக இதை கூட செய்ய மாட்டானா’ என்று கூறியது படக்குழுவினர்களை நெகிழ்ச்சியில் ஆழ்த்தியது.

மேலும் ’மார்க் ஆண்டனி’ படக்குழுவினர் விஜய்க்கு பூங்கொத்து கொடுத்து வாழ்த்தியதை அடுத்து விஜய் பெயரில் அன்னை தெரசா முதியோர் இல்லத்தில் உணவு வழங்கியதற்கான ரசீதையின் காண்பித்து பாராட்டு பெற்றனர்.

இந்த சந்திப்பின்போது ’துப்பறிவாளன் 2’ படத்தை இயக்கி வருவதாகவும், இதனை அடுத்து மேலும் சில திரைப்படங்களை இயக்க திட்டமிட்டுள்ளதாகவும் உங்களுக்கும் இரண்டு கதைகளை தயார் செய்துள்ளதாகவும் விஷால் கூறினார். இதைக்கேட்ட விஜய் ’நீ வா நண்பா, நான் இருக்கிறேன், சேர்த்து பயணிப்போம்" என்று கூறியதை அடுத்து விஷால் இயக்கத்தில் விஜய் நடிக்கும் படத்தை ரசிகர்கள் விரைவில் எதிர்பார்க்கலாம்.

இந்த சந்திப்பின்போது ’மார்க் ஆண்டனி படத்தின் இயக்குனர் ஆதிக் ரவிச்சந்திரன் தயாரிப்பாளர் வினோத்குமார் உள்ளிட்டவர்கள் இருந்தனர்.