விஜய் 61' குறித்த தகவல்
- IndiaGlitz, [Saturday,June 11 2016]
இளையதளபதி விஜய் நடித்து வரும் 60வது படமான 'விஜய் 60' படத்தின் படப்பிடிப்பு ஐதராபாத் நகரில் விறுவிறுப்புடன் நடைபெற்று வருகிறது. பரதன் இயக்கி வரும் இந்த படத்தின் அடுத்தகட்ட படப்பிடிப்புக்காக விஜய், கீர்த்தி சுரேஷ் உள்பட படக்குழுவினர் அனைவரும் சுவிட்சர்லாந்து செல்லவுள்ளனர்.
இந்நிலையில் கடந்த சில நாட்களுக்கு முன்னர் விஜய்யின் அடுத்த படத்தை சிவாஜி புரடொக்ஷன்ஸ் நிறுவனம் தயாரிக்கவுள்ளதாகவும், அந்த படத்தை அட்லி இயக்க அதிக வாய்ப்பு இருப்பதாகவும் செய்திகள் வெளிவந்தன.
ஆனால் தற்போது இதில் ஒரு சிறு மாற்றத்துடன் ஒரு தகவல் வெளிவந்துள்ளது. அதாவது 'விஜய் 61' படத்தை அட்லி இயக்கவுள்ளதாகவும் இந்த படத்தை 'லைகா புரடொக்ஷன்ஸ்' நிறுவனம் தயாரிக்கவுள்ளதாகவும் கூறப்படுகிறது. லைகா நிறுவனம் ஏற்கனவே விஜய் நடித்த 'கத்தி' படத்தை தயாரித்துள்ளது என்பது குறிப்பிடத்தக்கது. இந்த தகவல் உறுதியானால் விஜய்யுடன் இரண்டாவது முறையாக லைகா இணையவுள்ளது என்பது குறிப்பிடத்தக்கது.