விஜய்யின் அடுத்த பட இயக்குனர் யார்?
- IndiaGlitz, [Monday,August 01 2016]
'அழகிய தமிழ்மகன்' இயக்குனர் பரதன் இயக்கத்தில் இளையதளபதி விஜய், கீர்த்தி சுரேஷ் நடித்து வரும் 'விஜய் 60' படத்தின் படப்பிடிப்பு கிட்டத்தட்ட பாதிக்கும் மேல் முடிந்துவிட்டது. விரைவில் இந்த படத்தின் டைட்டிலுடன் கூடிய ஃபர்ஸ்ட்லுக் வெளியாகவுள்ளது.
இந்நிலையில் விஜய் நடிக்கவுள்ள 61வது படம் குறித்த தகவல்கள் வெளிவந்து கொண்டிருக்கின்றது. சுந்தர் சி இயக்கத்தில் ஸ்ரீதேனாண்டாள் பிலிம்ஸ் தயாரிக்கும் 100வது படத்தில் விஜய் நடிப்பார் என்றும், இயக்குனர் ரஞ்சித் இயக்கத்தில் விஜய் நடிக்கவுள்ளதாகவும் பல்வேறு செய்திகள் வெளிவந்து கொண்டிருக்கும் நிலையில் விஜய்யின் அடுத்த படத்தை அட்லி இயக்கவுள்ளதாகவும் இந்த படத்தை சிவாஜி புரடொக்ஷன்ஸ் நிறுவனம் தயாரிக்கவுள்ளதாகவும் நம்பத்தகுந்த வட்டாரங்களில் இருந்து செய்திகள் வெளிவந்துள்ளது. வெகுவிரைவில் இதுகுறித்த அதிகாரபூர்வ அறிவிப்பு வெளிவரவுள்ளது.
மேலும் விஜய்-சிவாஜி புரடொக்ஷன்ஸ் இணையும் இந்த படத்தை அட்லி இயக்கவுள்ளதாகவும், 'தெறி' போலவே இந்த படமும் ஒரு ஆக்சன் எண்டர்டெயின்மெண்ட் படமாக இருக்கும் என்றும் எதிர்பார்க்கப்படுகிறது.