விஜய்-60 படக்குழுவினர்களின் முக்கிய பயணம்
- IndiaGlitz, [Tuesday,March 15 2016]
இளையதளபதி விஜய் நடித்து முடித்துள்ள 'தெறி' படம் வரும் ஏப்ரல் 14, தமிழ்ப்புத்தாண்டில் வெளியாகும் என உறுதியாகியுள்ள நிலையில் அவர் நடிக்கவுள்ள 60வது படத்தின் ஆரம்பகட்ட பணிகள் ஏற்கனவே தொடங்கி விறுவிறுப்பாக நடைபெற்று வருவது அறிந்ததே.
இந்நிலையில் இந்த படத்தின் இயக்குனர் பரதன், ஒளிப்பதிவாளர் சுகுமார் மற்றும் கலை இயக்குனர் பிரபாகரன் ஆகியோர் ஐதராபாத் நகருக்கு லொகேஷன் பார்க்க சென்றுள்ளதாக தகவல்கள் வெளிவந்துள்ளது. லோகேஷன் பார்ப்பதோடு படப்பிடிப்புக்கு தேவையான முன்னேற்பாடுகளையும் அவர்கள் செய்யவுள்ளனர் என்பது குறிப்பிடத்தகக்து.
விஜயா புரடொக்ஷன்ஸ் நிறுவனம் தயாரிக்கும் இந்த படத்தில் விஜய்க்கு ஜோடியாக கீர்த்தி சுரேஷ் நடிக்கவுள்ளார். சந்தோஷ் நாராயணன் இசையில் உருவாகும் இந்த படத்தின் படப்பிடிப்பு விரைவில் தொடங்கவுள்ளது.