இளையதளபதி விஜய் நடித்து வரும் 'விஜய் 59' படத்தின் படப்பிடிப்பு ஒருபுறம் கோவாவில் விறுவிறுப்பாக நடைபெற்று வரும் நிலையில் மற்றொரு பக்கம் கடந்த இரண்டு நாட்களாக 'விஜய் 60' குறித்த அறிவிப்புகள் வெளியாகி, சமூக வலைத்தளங்களில் டிரண்டாகி, கோலிவுட் திரையுலகை பெரும் பரபரப்பை ஏற்படுத்தியது.

'விஜய் 60' படத்தின் இயக்குனர் பரதன் என்று அறிவிக்கப்பட்டுள்ள நிலையில் இந்த படத்தின் ஒரு சிறிய பூஜை நாளை சென்னையில் நடைபெறவுள்ளதாக கூறப்படுகிறது. இந்த படத்தின் படப்பிடிப்பு 2016ஆம் ஆண்டு மார்ச் முதல் தொடங்கப்படும் என்றும், அடுத்த வாரம் முதல் இந்த படத்தின் ஆரம்பகட்ட பணி தொடங்கப்படவுள்ளதாகவும் கூறப்படுகிறது. மேலும் 'விஜய் 59' படத்தின் படப்பிடிப்பு வரும் பிப்ரவரி மாதம் முற்றிலும் முடிந்துவிடும் என்று கூறப்படுகிறது.

விஜய் தற்போது கோவா படப்பிடிப்பில் இருப்பதால் நாளைய பூஜையில் அவர் கலந்து கொள்வாரா? என்பது குறித்த தகவல் எதுவும் வெளியாகவில்லை என்பது குறிப்பிடத்தக்கது.