'விஜய் 60' படத்தின் அடுத்தகட்ட படப்பிடிப்பு தொடங்கும் தேதி
- IndiaGlitz, [Friday,April 22 2016]
இளையதளபதி விஜய் நடித்த 'தெறி' திரைப்படம் ஆறே நாட்களில் ரூ.100 கோடி வசூல் செய்து சாதனை செய்துள்ள நிலையில் விஜய்யின் அடுத்த படமான 'விஜய் 60' படத்தின் அடுத்தகட்ட படப்பிடிப்பு நடைபெறும் தேதி குறித்த தகவல்கள் தற்போது வெளிவந்துள்ளது.
கடந்த 11ஆம் தேதி விஜய் 60' படத்தின் பூஜை மற்றும் படப்பிடிப்பு தொடங்கி மூன்று நாட்கள் மட்டுமே முதல்கட்ட படப்பிடிப்பு நடந்த நிலையில் அடுத்தகட்ட படப்பிடிப்பு வரும் மே மாதம் 2ஆம் தேதி சென்னை அருகேயுள்ள பின்னி மில்லில் நடைபெறவுள்ளதாக தகவல்கள் வெளிவந்துள்ளது. இந்த படப்பிடிப்பு பத்து நாட்கள் நடைபெறவுள்ளதாகவும், இவற்றில் பாடல் காட்சி ஒன்றும் அடங்குவதாகவும் கூறப்படுகிறது.
விஜயா புரடொக்ஷன்ஸ் நிறுவனம் பிரமாண்டமாக தயாரிக்கவுள்ள இந்த படத்தை 'அழகிய தமிழ்மகன்' இயக்குனர் பரதன் இயக்குகிறார். முதன்முதலாக விஜய் படத்திற்கு சந்தோஷ் நாராயணன் இசையமைக்கின்றார் என்பது குறிப்பிடத்தக்கது. விஜய், கீர்த்திசுரேஷ், சதீஷ், ஜெகபதிபாபு, டேனியல் பாலாஜி உள்ளிட்ட பலர் இந்த படத்தில் நடிக்கின்றனர்.