இயக்குனர் அட்லி இயக்கத்தில் விஜய் நடித்து வரும் 'விஜய்59' படத்தின் படப்பிடிப்பு நடைபெற்று வரும் நிலையில் இந்த படத்தின் படப்பிடிப்பு வரும் ஜனவரியில் முடியும் என்றும் கோடை விடுமுறையில் இந்த படம் ரிலீஸ் ஆகும் என்றும் கூறப்படுகிறது.

இந்நிலையில் விஜய்யின் அடுத்த படமான 'விஜய் 60' படத்தை ஏ.எம்.ரத்னம் தயாரிக்கின்றார் என்பது மட்டுமே உறுதியாகியுள்ளது. இந்த படத்தை இயக்குவது யார் என்ற பட்டியலில் எஸ்.ஜே.சூர்யா, கே.வி.ஆனந்த், ஜெயம் ராஜா, சமுத்திரக்கனி ஆகியோர் இருப்பதாகவும், இவர்களில் ஒருவரை விஜய் விரைவில் தேர்வு செய்வார் என்றும் கூறப்படுகிறது.

இந்த நால்வரில் ஜெயம் ராஜா அல்லது எஸ்.ஜே.சூர்யா ஆகிய இருவரில் ஒருவரை விஜய் தேர்வு செய்ய அதிக வாய்ப்புகள் இருப்பதாக கூறப்படுகிறது. இந்த படம் குறித்த அறிவிப்பு தீபாவளிக்கு பின்னர் அதிகாரபூர்வமாக வெளியாகும் என கூறப்படுகிறது.