அட்லி இயக்கத்தில் விஜய் நடித்து கொண்டிருக்கும் 'விஜய் 59' படத்தை அடுத்து விஜய், 'அழகிய தமிழ்மகன்' பட இயக்குனர் பரதன் இயக்கத்தில் நடிப்பார் என கடந்த இரண்டு நாட்களுக்கு முன்னர் செய்திகள் வெளிவந்தது.

இந்நிலையில் பரதன் கதையை மட்டும் எடுத்துக்கொண்டு வேறொரு இயக்குனரின் திரைக்கதை-இயக்கத்தில் நடிக்க விஜய் முடிவு செய்திருப்பதாகவும், இதற்காக முன்னணி இயக்குனர்களிடம் பேச்சுவார்த்தை நடந்து வந்ததாகவும் கூறப்படுகிறது.

இந்நிலையில் பரதனின் கதையை கேள்விப்பட்ட இயக்குனர் ஹரி, இந்த படத்தை இயக்க முன்வந்ததாக கூறப்படுகிறது. இந்த படத்தை ஹரி இயக்க தயாரிப்பு நிறுவனமான விஜயா வாகினி ஒப்புக்கொண்டுள்ளதாகவும், சூர்யா நடிப்பில் உருவாகவுள்ள 'சிங்கம் 3' படத்திற்கு பின்னர் ஹரி, இந்த படத்தின் பணியை தொடங்குவார் என்றும் கூறப்படுகிறது.

ஏற்கனவே விஜயா புரடொக்ஷன்ஸ் நிறுவனத்திற்கு தாமிரபரணி, வேங்கை ஆகிய இரண்டு படங்களை ஹரி இயக்கியுள்ளார் என்பது குறிப்பிடத்தக்கது.