இளையதளபதி விஜய் நடித்து வரும் 'விஜய் 59' படத்தின் டைட்டில் கிட்டத்தட்ட உறுதியாகிவிட்டதாகவும், டைட்டிலுடன் கூடிய ஃபர்ஸ்ட் லுக் தீபாவளி தினத்தில் வெளியாகவுள்ளதாகவும் சற்று முன்னர் செய்தி வெளிவந்துள்ளது.

'காக்கி', 'வெற்றி' ஆகிய இரண்டு தலைப்புகளில் ஒன்றை படக்குழுவினர் தேர்வு செய்யவுள்ளதாக கூறப்பட்ட நிலையில், 'வெற்றி' தலைப்பு கிட்டத்தட்ட உறுதியாகிவிட்டதாக கூறப்படுகிறது. விஜய் ரசிகர்களின் தீபாவளி பரிசாக தீபாவளி தினத்தில் அட்டகாசமான டிசைன்களுடன் கூடிய பர்ஸ்ட் லுக்கும் வெளியாகவுள்ளது.

விஜய்யின் தந்தை எஸ்.ஏ.சந்திரசேகர் இயக்கத்தில் ஏற்கனவே 'வெற்றி' என்ற தலைப்பில் ஒரு படம் கடந்த 1984ஆம் வருடம் வெளிவந்தது. இந்த படத்தில் விஜயகாந்த், விஜி நடித்திருந்தனர். சரியாக 31 வருடங்கள் கழித்து மீண்டும் அதே பெயரில் விஜய் நடிக்கும் படத்திற்கு அதே தலைப்பு வைக்கப்படவுள்ளது என்பது குறிப்பிடத்தக்கது.

விஜய், சமந்தா, எமிஜாக்சன், கே.எஸ்.ரவிகுமார், ராதிகா சரத்குமார், இயக்குனர் மகேந்திரன், சத்யராஜ் உள்பட பலர் நடிக்கும் இந்த படத்திற்கு ஜி.வி.பிரகாஷ்குமார் இசையமைத்து வருகிறார். இந்த படம் ஜி.வி.பிக்கு 50வது படம் என்பது குறிப்பிடத்தக்கது. கலைப்புலி எஸ்.தாணு தயாரிக்கும் இந்த படத்தை 'ராஜா ராணி' இயக்குனர் அட்லி இயக்கி வருகிறார்.