'விஜய் 59' டைட்டில் குறித்த புதிய தகவல்
- IndiaGlitz, [Tuesday,November 24 2015]
இளையதளபதி விஜய் நடித்து வரும் 'விஜய் 59' படத்தின் படப்பிடிப்பு விறுவிறுப்பாக நடந்து வரும் நிலையில் நாளை நள்ளிரவு 12 மணிக்கு இந்த படத்தின் டைட்டில் மற்றும் ஃபர்ஸ்ட் லுக் வெளிவரவுள்ளதாக இயக்குனர் அட்லி தனது சமூக வலைத்தளத்தில் அறிவித்திருந்தார்.
இந்நிலையில் இந்த படத்தின் டைட்டில் குறித்து பல்வேறு செய்திகள் வெளிவந்து கொண்டிருக்கின்றது. 'வெற்றி', 'காக்கி', 'துப்பாக்கி 2', 'தாறுமாறு' போன்ற டைட்டில்களில் ஒன்று இந்த படத்திற்கு வைக்கப்படலாம் என்ற நிலையில் இன்று காலை 'விஜயகுமார் ஐ.பி.எஸ்' என்ற டைட்டில் என்றும் தகவல் வந்தது.
ஆனால் தற்போது வந்துள்ள புதிய தகவலின்படி இந்த படத்திற்கு 'தெறி' என்ற டைட்டில் வைக்க வாய்ப்பு இருப்பதாக கூறப்படுகிறது. இந்த டைட்டிலை வைத்துதான் போஸ்டர் டிசைன் செய்ய கூறியிருப்பதாகவும் கூறப்படுகிறது. ஆனால் அதிகாரபூர்வமான டைட்டில் எதுவென்று நாளை நள்ளிரவுதான் உறுதியாக தெரியவரும் என்பது குறிப்பிடத்தக்கது.