அட்லி இயக்கத்தில் விஜய் நடித்து வரும் 'விஜய் 59' படத்தின் சென்னை படப்பிடிப்பு தற்போது முடிவடைந்த நிலையில் விரைவில் படக்குழுவினர் அடுத்தகட்ட படப்பிடிப்பிற்காக கோவா செல்லவுள்ளனர். கோவாவில் விஜய் மற்றும் எமிஜாக்சன் சம்பந்தப்பட்ட பாடல் காட்சிகள் மற்றும் உரையாடல் காட்சிகள் படமாக்கப்படவுள்ளதாக கூறப்படுகிறது.

இந்த படத்தில் இரண்டு நாயகிகளில் ஒருவராக நடித்து வரும் எமிஜாக்சனின் காட்சிகள் அனைத்தும் பிளாஷ்பேக்கில் வருவதாக தகவல்கல் வெளிவந்துள்ளது. எமிஜாக்சன் இந்த படத்தில் மலையாளி பெண்ணாக வித்தியாசமான கேரக்டரில் நடித்து வருகிறார்.

இந்த படத்தின் ஒருசில காட்சிகளின் படப்பிடிப்பை சீனாவில் நடத்த அட்லி முடிவு செய்திருந்தார். ஆனால் தற்போது அந்த திட்டம் கைவிடப்பட்டதாக கூறப்படுகிறது. சீனாவில் தற்போது படப்பிடிப்பு நடத்துவதற்கான தட்பவெப்பம் இல்லை என்று கூறப்படுகிறது. போலீஸ் அதிகாரியாக விஜய் நடித்து வரும் இந்த படத்தில் சமந்தாவும் முக்கிய கேரக்டரில் நடித்துள்ளார். பழம்பெரும் இயக்குனர் மகேந்திரன், சத்யராஜ் ஆகியோர் இந்த படத்தின் வில்லன்களாக நடிக்கின்றனர்.