லேடி சூப்பர் ஸ்டார் நயன்தாரா தமிழில் 'ஐயா' படத்தின் மூலம் அறிமுகமாகியிருந்தாலும் அவருடைய முதல் படம் மனசிநக்கரே (Manassinakkare) என்ற மலையாள படம் ஆகும். இந்த படம் 2003ஆம் ஆண்டு டிசம்பர் 25ஆம் தேதி கிறிஸ்துமஸ் தினத்தில் வெளியானது. எனவே நயன்தாரா திரையுலகில் அறிமுகமாகி நேற்றுடன் 14 வருடங்கள் நிறைவடைந்துள்ளன.

இந்த கொண்டாட்டத்தை #14YearsOfNayanism என்ற ஹேஷ்டேக்கை உருவாக்கி அவரது ரசிகர்கள் சமூக வலைத்தளங்களில் கொண்டாடி வருகின்றனர். இந்த நிலையில் நயன்தாராவின் காதலரும், பிரபல இயக்குனருமான விக்னேஷ்சிவன், இந்த ஹேஷ்டேக்கை தனது டுவிட்டரில் பதிவு செய்து நயன்தாராவுக்கு தனது வாழ்த்துக்களை தெரிவித்துள்ளார்.

நயன்தாராவுக்கு மேலும் பல சக்திகளும், வெற்றிகளும் கிடைக்க வாழ்த்துவதாகவும், இந்த வெற்றி நயன்தாராவுக்கு தொடர்ந்து கிடைக்க வாழ்த்துக்கள் என்றும், இன்றைய நாள் கடவுளின் அருள் கிடைத்த அன்பான நாள் என்றும் அவர் நெகிழ்ச்சியுடன் பதிவு செய்துள்ளார்.

மேலும் 'தானா சேர்ந்த கூட்டம்' படத்தின் அடுத்த சிங்கிள் பாடல் குறித்த அறிவிப்பு மிக விரைவில் வெளியாகும் என்றும் விக்னேஷ் சிவன் தெரிவித்துள்ளார்.