காமெடி நடிகர் ஆர்ஜே பாலாஜி தற்போது 'எல்.கே.ஜி' என்ற படத்தில் முக்கிய வேடத்தில் நடித்து வருகிறார் என்பது தெரிந்ததே. அரசியல் நையாண்டி படமாக அமையும் இந்த படத்தின் படப்பிடிப்பு விறுவிறுப்பாக நடந்து வருகிறது.

இந்த நிலையில் இந்த படத்தின் முக்கிய காட்சி ஒன்றை இயக்குனர் விக்னேஷ் சிவன் படமாக்கி கொடுத்துள்ளார். விக்னேஷ் சிவன் படமாக்கும் இந்த காட்சி குறித்த புகைப்படங்கள் இணையதளங்களில் வைரலாகி வருகிறது. இந்த படத்தில் இடம்பெற்றுள்ள ஒரு பாடல் காட்சி டெல்லியில் படமாக்கப்பட்டு வருகிறது. இதற்காக பாராளுமன்றம், இந்தியா கேட், உள்பட பல இடங்களில் படப்பிடிப்பு நடத்த சிறப்பு அனுமதியை படக்குழுவினர் பெற்றுள்ளனர். இந்த பாடலை விக்னேஷ் சிவன் எழுதியது மட்டுமின்றி படமாக்கியும் கொடுத்துள்ளார். ஏற்கனவே விக்னேஷ் சிவன் இயக்கிய 'நானும் ரெளடிதான்' படத்தில் ஆர்ஜே பாலாஜி நடித்துள்ளார் என்பது குறிப்பிடத்தக்கது.

ஆர்ஜே பாலாஜி, ப்ரியா ஆனந்த், நாஞ்சில் சம்பத் உள்ளிட்ட பலர் நடித்து வரும் இந்த படத்திற்கு லியோன் ஜேம்ஸ் இசை அமைத்து வருகிறார். மேயாத மான்" படத்தின் ஒளிப்பதிவாளர் விது ஒளிப்பதிவு செய்ய, ஆண்டனி படத்தொகுப்பு பணி செய்கிறார்.