இயக்குனர் விக்னேஷ் சிவன் இயக்கி முடித்துள்ள ’காத்துவாக்குல ரெண்டு காதல்’ என்ற திரைப்படத்தின் போஸ்ட் புரடொக்ஷன் பணிகள் இறுதி கட்டத்தில் உள்ளது என்பதும் இந்த படம் வரும் ஏப்ரல் மாதம் வெளியாக உள்ளது என சமீபத்தில் அறிவிக்கப்பட்டது என்பதும் தெரிந்ததே.

இந்த நிலையில் விக்னேஷ் சிவன்தனது சமூக வலைதளப் பக்கத்தில் நயன்தாராவின் லேட்டஸ்ட் புகைப்படத்தை பதிவு செய்து, தற்போது நடந்து கொண்டிருக்கும் பணிகள் முடிந்தவுடன் நயன்தாராவுடன் ஒரு லாங் ஹாலிடே டூர் செல்ல உள்ளதாக குறிப்பிட்டுள்ளார்.

மேலும் நயன்தாராவுடன் பயணம் செய்யும் அனுபவத்தை தான் மிகவும் மிஸ் செய்வதாகவும் அவர் தெரிவித்துள்ளார். இதனை அடுத்து ’காத்துவாக்குல ரெண்டு காதல்’ படத்தின் போஸ்ட் புரடொக்ஷன் பணிகள் முடிந்தவுடன் நயன்தாராவுடன் அவர் ஒரு லாங் ஹாலிடே டூர் செல்ல இருப்பதாக தெரிகிறது.

பொதுவாக விக்னேஷ் சிவன், நயன்தாரா இருவரும் அடிக்கடி வெளிநாடு சென்று வரும் நிலையில் விரைவில் செல்ல இருக்கும் லாங் ஹாலிடே பயணத்தில் அவர்களது திருமணம் நடைபெறுமா? என்பதை பொறுத்திருந்து பார்ப்போம்.

விஜய்சேதுபதி, நயன்தாரா, சமந்தா நடிப்பில் உருவாகியுள்ள ’காத்துவாக்குல ரெண்டு காதல்’ திரைப்படத்திற்கு அனிருத் இசை அமைத்துள்ளார் என்பதும் இந்த படத்தின் இரண்டு பாடல்கள் ஏற்கனவே வெளியாகி மிகப்பெரிய அளவில் வைரல் ஆகியுள்ளது என்பதும குறிப்பிடத்தக்கது.
 

View this post on Instagram

A post shared by Vignesh Shivan (@wikkiofficial)