புதிய டைட்டில்.. புதிய ஃபர்ஸ்ட் லுக்.. விக்னேஷ் சிவன் அடுத்த படத்தின் டைட்டில் மாற்றம்..!
- IndiaGlitz, [Tuesday,July 23 2024]
விக்னேஷ் சிவன் இயக்கத்தில் உருவாகி வந்த திரைப்படத்திற்கு ’எல்ஐசி’ என்ற டைட்டில் வைக்கப்பட்டிருந்த நிலையில் தற்போது இந்த டைட்டில் மாற்றப்பட்டு புதிய டைட்டிலுடன் கூடிய புதிய ஃபர்ஸ்ட் லுக் போஸ்டர் வெளியாகும் என்று தகவல் வெளியாகி உள்ளன.
விக்னேஷ் சிவன் இயக்கத்தில் பிரதீப் ரங்கநாதன் நடிப்பில் உருவாகி வந்த ’எல்ஐசி’ படத்தின் படப்பிடிப்பு கடந்த சில மாதங்களாக நடைபெற்று வருகிறது. ’லவ் இன்சூரன்ஸ் கார்ப்பரேஷன்’ என்ற டைட்டில் சுருக்கமாக ’எல்ஐசி’ என்றழைக்கப்பட்டு இருந்த நிலையில் இந்த டைட்டிலுக்கு ’எல்ஐசி’ நிறுவனத்தில் இருந்து எதிர்ப்பு கிளம்பியதாகவும் டைட்டிலை மாற்ற வேண்டும் என்று நோட்டீஸ் அனுப்பியதாகவும் தகவல் வெளியானது.
இருப்பினும் இந்த டைட்டிலை மாற்றுவது குறித்த அறிவிப்பு இதுவரை வெளியாகாமல் இருந்த நிலையில் தற்போது இந்த படத்தின் புதிய டைட்டிலுடன் கூடிய புதிய பர்ஸ்ட் லுக் போஸ்டர் ஜூலை 25ஆம் தேதி வெளியாகும் என்று அறிவிக்கப்பட்டுள்ளது.
பிரதீப் ரங்கநாதன், எஸ்ஜே சூர்யா, கீர்த்தி ஷெட்டி உட்பட பலர் நடிப்பில் உருவாகி வரும் இந்த படத்திற்கு அனிருத் இசையமைத்துள்ளார். லலித் குமார் தயாரிப்பில் உருவாகி வரும் இந்த படத்தின் அடுத்த கட்ட படப்பிடிப்பு விரைவில் தொடங்க உள்ளது என்பது குறிப்பிடத்தக்கது.