இயக்குனர் விக்னேஷ் சிவன் விரைவில் தொழிலதிபராக இருப்பதாக கூறப்படும் நிலையில் அவரது அடுத்த படம் காலதாமதம் ஆகும் என்று தெரிகிறது.

இயக்குனர் விக்னேஷ் சிவன் அஜித்தின் அடுத்த படத்தை இயக்குவதாக இருந்த நிலையில் அந்த படம் திடீரென ட்ராப்பானது. இதனை அடுத்து அவர் இயக்க இருக்கும் அடுத்த படம் குறித்த எந்தவித அறிவிப்பும் இன்னும் வெளியாகவில்லை.

விஜய் சேதுபதி, நயன்தாரா, சமந்தா நடிப்பில் உருவான ’காத்து வாக்குல ரெண்டு காதல்’ என்ற திரைப்படத்தை விக்னேஷ் சிவன் இயக்கியிருந்தார் என்பதும் கடந்த ஆண்டு ஏப்ரல் மாதம் இந்த படம் வெளியானது என்பது குறிப்பிடத்தக்கது. இந்த படம் வெளியாகி ஒரு ஆண்டுக்கு மேலாகியும் இன்னும் அவருடைய அடுத்த படம் குறித்த அறிவிப்பு வெளியாகவில்லை.

இந்த நிலையில் கேரளாவில் விக்னேஷ் சிவன் ரியல் எஸ்டேட் பிசினஸ் செய்ய இருப்பதாகவும், ஏற்கனவே கேரளாவில் வாங்கி போட்ட இடத்தில் அப்பார்ட்மெண்ட் கட்டிடங்கள் கட்டி விற்பனை செய்ய திட்டமிட்டு இருப்பதாகவும் கூறப்படுகிறது.

இந்த பணிகளில் அவர் தீவிரமாக இருப்பதால் அவருடைய அடுத்த படம் காலதாமதம் ஆகும் என்று கூறப்படுகிறது. இயக்குனர் விக்னேஷ் சிவன் தொழிலதிபர் விக்னேஷ் சிவன் ஆக முழுவதும் மாறிவிடுவாரா? அல்லது மீண்டும் சினிமாவுக்கு வருவாரா? என்பதை பொறுத்திருந்துதான் பார்க்க வேண்டும்.