இரண்டு திரையுலக மேதைகளுக்கு வித்தியாசமாக வாழ்த்து கூறிய விக்னேஷ்சிவன்
- IndiaGlitz, [Tuesday,June 04 2019]
நேற்று முன் தினம் அதாவது ஜூன் 2ஆம் தேதி தமிழ்த்திரையுலகின் இரண்டு மேதைகளின் பிறந்தநாள் கொண்டாடப்பட்டது. ஒருவர் கின்னஸ் சாதனை செய்த இசையமைப்பாளர் இசைஞானி இளையராஜா, இன்னொருவர் இன்றும் ஹிட் படங்களை கொடுத்து கொண்டிருக்கும் ஒரே பழம்பெரும் இயக்குனர் மணிரத்னம்.
இளையராஜா, மணிரத்னம் ஆகிய இரு மேதைகளும் இணைந்து பணிபுரிந்த 'மெளனராகம்', 'நாயகன்', 'அக்னி நட்சத்திரம்', 'அஞ்சலி', 'தளபதி' ஆகிய திரைப்படங்கள் இன்றும் ரசிகர்களின் மனங்களில் நீங்கா இடம்பெற்றுள்ளன. குறிப்பாக 'மெளன ராகம்' படத்தின் உயிர் நாடியே இசைஞானியின் பின்னணி இசை என்று கூறலாம்
இந்த நிலையில் இந்த இரு மேதைகளுக்கும் ஒருசேர பிறந்த நாள் வாழ்த்து தெரிவிக்கும் வகையில் மெளனராகம்' படத்தின் தீம் மியூசிக்கை தானே இசையமைத்து இசையின் மூலம் இருவருக்கும் வாழ்த்து கூறியுள்ளார் இயக்குனர் விக்னேஷ்சிவன். இதுகுறித்த வீடியோ இணையதளங்களில் தற்போது வைரலாகி வருகிறது. இவ்வளவு அருமையாக இசையமைக்கும் விக்னேஷ் சிவன் அடுத்த படத்தில் இசையமைப்பாளராக மாறினாலும் ஆச்சரியப்படுவதற்கில்லை என்று ரசிகர்கள் கமெண்ட் செய்து வருகின்றனர்.
My sincere wishes & prayers for the two legends #ManiRatnam #Ilayaraja ...
— Vignesh Shivan (@VigneshShivN) June 3, 2019
Wishing the Two God level creators to remain healthy , happy , powerful & blessed forever ! ???? https://t.co/wgYEghQIyk#HBDManiRatnam #Ilayaraaja76