இயக்குனர் விக்னேஷ் சிவன் மற்றும் லேடி சூப்பர் ஸ்டார் நயன்தாரா ஆகிய இருவரும் கடந்த 5 ஆண்டுகளுக்கு மேலாக காதலித்து வருகிறார்கள் என்பதும் 'நானும் ரவுடிதான்' படத்தில் ஆரம்பித்த இந்த காதல் விரைவில் திருமணத்தில் முடியும் என்று எதிர்பார்க்கப்படுகிறது என்பதும் தெரிந்ததே.

இந்த நிலையில் அவ்வப்போது நயனின் புகைப்படங்களை தனது இன்ஸ்டாகிராம் மற்றும் ட்விட்டர் பக்கங்களில் வெளியிட்டுவரும் விக்னேஷ் சிவன், சற்றுமுன் நயனின் ரொமான்ஸ் புகைப்படம் ஒன்றை பதிவு செய்துள்ளார். விக்னேஷ் சிவனின் மார்பு மீது நயன் தனது கையை இருப்பது போன்ற இருக்கும் இந்த புகைப்படத்தில் ’விரலோடு உயிர் கூட கோர்த்து’ என்ற கவிதை வரிகளையும் அவர் பதிவு செய்துள்ளார்.

விக்னேஷ் சிவன் தனது இன்ஸ்டாவில் இந்த புகைப்படத்தை பதிவு செய்து ஒரு சில மணி நேரங்களே ஆகியுள்ள நிலையில் இந்த புகைப்படத்திற்கு ஒரு லட்சத்துக்கும் அதிகமான லைக்ஸ்கள் கிடைத்துள்ளது என்பது குறிப்பிடத்தக்கது.

இந்த நிலையில் விக்னேஷ் சிவன் இயக்கத்தில் ’காத்து வாக்குல ரெண்டு காதல் என்ற படத்தில் நடித்து வரும் நயன்தாரா, அவருடைய தயாரிப்பில் உருவாகி வரும் ’நெற்றிக்கண்’ என்ற திரைப்படத்திலும் நடித்து வருகிறார் என்பது குறிப்பிடத்தக்கது.
 

View this post on Instagram

A post shared by Vignesh Shivan (@wikkiofficial)