நயன்தாரா நடிப்பில் இயக்குனர் கோபிநயினார் இயக்கிய 'அறம்' திரைப்படம் கடந்த மாதம் 10ஆம் தேதி வெளியாகி மாபெரும் வரவேற்பை பெற்றது. இந்த படத்தை ஊடகங்களும், பொதுமக்களும், விமர்சகர்களும் கோலிவுட் திரையுலகினர்களும், அரசியல்வாதிகளும் வெகுவாக பாராட்டினர்.

இந்த நிலையில் 'அறம்' படக்குழுவினர் இன்று 50வது நாள் விழாவினை கொண்டாடி வருகின்றனர். நாயகிக்கு முக்கியத்துவம் கொடுக்கப்பட்ட ஒரு திரைப்படம் 50 நாட்கள் என்ற மைல்கல்லை எட்டுவது அபூர்வ நிகழ்வாகத்தான் கோலிவுட்டில் நடந்து வருகிறது. அப்படியொரு சாதனை புரிந்த இந்த படத்திற்கு வாழ்த்துக்கள் குவிந்து வருகிறது.

இந்த நிலையில் இயக்குனர் விக்னேஷ்சிவன் தனது சமூக வலைத்தளத்தில் நயன்தாராவுக்கும் 'அறம்' படக்குழுவினர்களுக்கும் தனது வாழ்த்துக்களை தெரிவித்துள்ளார். நயன்தாரா நடித்த 'அறம்' போன்ற நல்ல படத்தின் வெற்றி மக்களின் வெற்றி. கடின உழைப்பை கொடுத்த இயக்குனர் கோபி, இசையமைப்பாளர் ஜிப்ரான் உள்பட படக்குழுவினர்கள் அனைவருக்கும் எனது வாழ்த்துக்கள்' என்று கூறியுள்ளார்.