இயக்குனர் விக்னேஷ் சிவன் மற்றும் நடிகை நயன்தாரா ஆகிய இருவரும் தமிழக முதல்வர் முக ஸ்டாலின் அவர்களை சந்தித்து திருமண அழைப்பிதழை தந்ததாக தகவல்கள் வெளியாகியுள்ளன.

சற்றுமுன் தமிழக முதல்வரை விக்னேஷ் சிவன், நயன்தாரா சந்தித்ததாகவும் இந்த சந்திப்பின் போது ஜூன் 9ஆம் தேதி நடைபெறும் தங்களது திருமணத்திற்கு வருகை தந்து ஆசீர்வதிக்க வேண்டும் என்று கேட்டுக் கொண்டதாகவும், முதல்வரும் கண்டிப்பாக வருவதாக கூறியதாகவும் தகவல்கள் வெளியாகியுள்ளன.

இந்த சந்திப்பின்போது நடிகரும், தயாரிப்பாளரும், எம்.எல்.ஏவுமான உதயநிதி உடன் இருந்தார் என்பது குறிப்பிடத்தக்கது. நடிகை நயன்தாரா ஒரு சில படங்களில் உதயநிதியுடன் நடித்துள்ளார் என்பது தெரிந்ததே.

இந்த நிலையில் விக்னேஷ் சிவன் மற்றும் நயன்தாரா திருமணத்திற்கு தமிழக முதல்வரும், ஒருசில அரசியல்வாதிகளும், தமிழ் திரையுலகின் முன்னணி நட்சத்திரங்களும் வருவார்கள் என்று எதிர்பார்க்கப்படுகிறது.