'அஜித் 62' படப்பிடிப்புக்கு முன் விக்னேஷ் சிவன் - நயன்தாரா திருமணமா?
- IndiaGlitz, [Sunday,April 24 2022]
அஜித் நடிக்க இருக்கும் 62வது திரைப்படத்தை இயக்குனர் விக்னேஷ் சிவன் இயக்க இருப்பதாக அதிகாரபூர்வமாக அறிவிக்கப்பட்டுள்ள நிலையில் இந்த படத்தின் படப்பிடிப்புக்கு முன்பே விக்னேஷ் சிவன் நயன்தாராவை திருமணம் செய்துகொள்ள இருப்பதாக கூறப்படுகிறது.
நயன்தாரா மற்றும் விக்னேஷ் சிவன் ஆகிய இருவரும் கடந்த 5 ஆண்டுகளுக்கும் மேலாக காதலித்து வருகிறார்கள் என்பதும் சமீபத்தில் இவர்களுடைய திருமண நிச்சயதார்த்தம் நடந்ததை நயன்தாராவே ஒரு பேட்டியில் கூறினார் என்பது தெரிந்ததே .
இந்த நிலையில் இந்த ஆண்டு நயன்தாரா - விக்னேஷ் சிவன் திருமணம் நடைபெறும் என்று கூறப்படும் நிலையில் வரும் 28ஆம் தேதி ’காத்துவாக்குல ரெண்டு காதல்’ படம் ரிலீசானதும் திருமண வேலைகள் தொடங்க இருப்பதாகவும் அனேகமாக ஜூன் மாதம் திருமணம் நடைபெற வாய்ப்பு இருப்பதாகவும் கூறப்படுகிறது .
நயன்தாராவின் சொந்த ஊரில் தான் திருமணம் நடைபெறும் என்றும் மிகவும் நெருங்கிய நண்பர்கள் மற்றும் உறவினர்கள் மத்தியில் இந்த திருமணம் நடைபெறும் என்றும் கூறப்படுகிறது. திருமணம் முடிந்த கையோடு ‘அஜித் 62’ பட வேலைகளை தொடங்க விக்னேஷ் சிவன் திட்டமிட்டு இருப்பதாகவும் இந்த படத்தில் நயன்தாரா தான் நாயகி என்றும் கூறப்படுகிறது.