திருட்டுப்பயலே 2' படத்திற்கு இசையமைக்கும் மெலடி கிங்
- IndiaGlitz, [Thursday,November 17 2016]
சுசிகணேசன் இயக்கத்தில் கடந்த 2006ஆம் ஆண்டு வெளிவந்த 'திருட்டுப்பயலே' திரைப்படத்தின் இரண்டாம் பாகம் தற்போது தயாராக இருக்கின்றது என்பதை ஏற்கனவே பார்த்தோம். முதல் பாகத்தை தயாரித்த அதே ஏஜிஎஸ் நிறுவனம்தான் இரண்டாம் பாகத்தையும் தயாரிக்க உள்ள நிலையில் சுசிகணேசன் இந்த படத்தை இயக்குகிறார்.
இந்த படத்தில் பாபிசிம்ஹா, பிரசன்னா, அமலாபால் நடிக்கவுள்ள நிலையில் தற்போது இந்த படத்தின் இசையமைப்பாளர் குறித்த தகவல் வெளிவந்துள்ளது. கடந்த 1990 மற்றும் 2000ஆம் ஆண்டுகளில் கோலிவுட் திரையுலகில் மெலடி கிங் ஆக இருந்த வித்யாசாகர் இந்த படத்திற்கு இசையமைக்கவுள்ளார்.
இதுகுறித்து கூறிய சுசிகணேசன், 'தற்போது புதுப்புது இளைஞர்கள் இசையமைப்பாளர்களாக உருவாகி வருகின்றனர். ஆனால் அவர்களிடம் மெலடி இசை இல்லை. எனது திருட்டுப்பயலே 2' படத்திற்கு மெலடி இசையமைப்பாளர் தேவைப்படுவதால் மெலடி கிங் ஆக இருக்கும் வித்யாசாகரை தேர்வு செய்தேன்' என்று கூறியுள்ளார். மேலும் இந்த படத்தில் ஐந்து பாடல்கள் இருப்பதாகவும், அதில் மூன்று பாடல்கள் மெலடி பாடல்கள் என்றும் அவர் தெரிவித்தார்.