దివంగ‌త ముఖ్య‌మంత్రి ఎన్టీఆర్ బ‌యోపిక్ 'య‌న్‌.టి.ఆర్‌' చిత్రీక‌ర‌ణ‌ను జ‌రుపుకుంటుంది. బాల‌కృష్ణ టైటిల్ రోల్‌లో పోషిస్తూ నిర్మిస్తున్న ఈ చిత్రానికి జాగ‌ర్ల‌మూడి క్రిష్ ద‌ర్శ‌క‌త్వం వ‌హిస్తున్నారు. బ‌స‌వ‌తారం పాత్ర‌లో బాలీవుడ్ న‌టి విద్యాబాల‌న్ న‌టిస్తున్న సంగ‌తి తెలిసిందే.

ఈ సినిమా గురించి ఓ ప్రైవేట్ కార్య‌క్ర‌మంలో మాట్లాడుతూ "సినిమా షూటింగ్‌ను ఉద‌యం తొమ్మిదికి స్టార్ట్ చేసి సాయంత్రం ఆరు గంట‌ల‌కు పూర్తి చేస్తున్నాం. ప్రొఫెష‌న‌ల్ టీమ్‌తో ప‌నిచేయ‌డం గొప్ప అనుభ‌వాన్నిస్తుంది. అదీగాక తెలుగులో పూర్తిస్థాయి పాత్ర చేస్తున్నాను. నా పాత్ర ఎలా ఉంటుందోన‌నే ఆస‌క్తి క‌లుగుతుంది" అన్నారు.

ఇంకా ఈ చిత్రంలో నారా చంద్ర‌బాబు నాయుడి పాత్ర‌లో రానా, ఎల్‌.వి.ప్ర‌సాద్ పాత్ర‌లో జిషు సేన్ గుప్తా, నాదెండ్ల భాస్క‌ర‌రావు స‌చిన్ ఖేడేక‌ర్‌, నిర్మాత నాగిరెడ్డి పాత్ర‌లో ప్ర‌కాశ్‌రాజ్ న‌టిస్తున్నారు. ఇంకా శ‌ర్వానంద్‌, ముర‌ళీ శ‌ర్మ‌, దేవీప్రసాద్‌, న‌రేశ్ త‌దిత‌రులు న‌టిస్తున్నారు.