'బాహుబలి 2' లో విద్యాబాలన్..
- IndiaGlitz, [Friday,October 30 2015]
ద‌ర్శ‌క‌ధీరుడు రాజ‌మౌళి రూపొందించిన వెండితెర అద్భుతం బాహుబలి. ప్ర‌పంచ వ్యాప్తంగా సంచ‌ల‌నం స్రుష్టించి స‌రికొత్త రికార్డులు నెల‌కొల్పిన బాహుబ‌లికి మ‌రింత దీటుగా ఉండేలా బాహుబలి 2ను ప్లాన్ చేస్తున్నారు జ‌క్క‌న్న. డిసెంబ‌ర్ నుంచి రామోజీ ఫిలింసిటీలో బాహుబలి 2 షూటింగ్ ప్రారంభించ‌డానికి ఏర్పాట్లు చేస్తున్నారు.
అయితే...బాహుబలి చిత్రాన్ని బాలీవుడ్ లో రిలీజ్ చేసిన క‌ర‌ణ్ జోహార్ బాహుబలి 2లో బాలీవుడ్ న‌టీన‌టులు ఉంటే మ‌రింత క్రేజ్ వ‌స్తుంద‌న్నాడ‌ట. దీంతో ఆలోచ‌న‌లో ప‌డ్డ జ‌క్క‌న్న అనుష్క అక్క పాత్ర‌ను క్రియేట్ చేసి బాలీవుడ్ భామ మాధురి దీక్షిత్ తో చేయిస్తే బాగుంటుంద‌నే ఆలోచ‌న‌లో ఉన్నాడ‌ట. ఒక‌వేళ మాధురి దీక్షిత్ నో అంటే అప్పుడు ఆ పాత్ర‌ను విద్యాబాలన్ తో చేయించాల‌నుకుంటున్నాడ‌ట. మ‌రి...అనుష్క అక్క పాత్ర మాధురి చేస్తుందో...విద్యాబాలన్ చేస్తుందో తెలియాలంటే కొన్ని రోజులు ఆగాల్సిందే.