మ‌రో బ‌యోపిక్‌లో విద్యాబాల‌న్‌?
- IndiaGlitz, [Wednesday,June 13 2018]
ఉత్త‌మ న‌టిగా ప‌లు అవార్డుల‌ను అందుకున్న బాలీవుడ్ న‌టి విద్యా బాల‌న్‌. సిల్క్ స్మిత జీవితం ఆధారంగా తెర‌కెక్కిన ది డ‌ర్టీ పిక్చ‌ర్‌తో ఉత్త‌మ న‌టిగా జాతీయ అవార్డును అందుకున్నారు.
ఇదిలా ఉంటే.. ఇప్ప‌టివ‌ర‌కు తెలుగు చిత్రాల‌లో న‌టించ‌ని విద్యా బాల‌న్‌.. తాజాగా మ‌హాన‌టుడు నంద‌మూరి తార‌క రామారావు జీవితం ఆధారంగా తెర‌కెక్కుతున్న 'య‌న్‌.టి.ఆర్' బ‌యోపిక్‌లో న‌టించేందుకు గ్రీన్ సిగ్న‌ల్ ఇచ్చారు.
ఇందులో ఎన్టీఆర్ స‌తీమ‌ణి బ‌స‌వ‌తార‌కం పాత్ర‌లో ఆమె క‌నిపించ‌నున్నారు. కాగా.. మ‌రో బ‌యోపిక్‌లోనూ ఆమె న‌టించే అవ‌కాశ‌ముందంటూ వార్త‌లు వినిపిస్తున్నాయి. య‌న్‌.టి.ఆర్ బ‌యోపిక్ నిర్మాత‌ల‌లో ఒక‌రైన విష్ణు ఇందూరి.. ప్ర‌ముఖ న‌టీమ‌ణి, త‌మిళనాడు మాజీ ముఖ్య‌మంత్రి జ‌య‌ల‌లిత జీవితం ఆధారంగా ఓ సినిమా చేసేందుకు ప్లాన్ చేసుకుంటున్నారు.
ఇందులోనూ విద్య‌ను న‌టింప‌జేసే ప్ర‌య‌త్నాలు జ‌రుగుతున్నాయి. మ‌రి.. విద్యా ఈ బ‌యోపిక్‌కు కూడా ఓకే చెబుతారో లేదో త్వ‌ర‌లోనే తెలుస్తుంది.