విద్యాబాలన్ .. దీదీ!
- IndiaGlitz, [Friday,March 29 2019]
ద‌క్షిణాది నుంచి బాలీవుడ్‌కు వెళ్లి అక్క‌డ త‌న స‌త్తా చాటిన న‌టి విద్యాబాలన్. తాజాగా మ‌ళ్లీ ద‌క్షిణాది వైపు మొగ్గుతోంది. ఇటీవ‌ల చేసిన క‌థానాయ‌కుడు, మ‌హానాయ‌కుడు, ఇప్పుడు అజిత్ సినిమా 'నెర్కొండ‌పార్వై'లో న‌టిస్తుండ‌ట‌మే అందుకు సాక్షి. తాజాగా విద్యాబాలన్ మ‌రో బ‌యోపిక్ ఒప్పుకున్నారు. ఆ బ‌యోపిక్ మ‌రెవ‌రిదో కాదు.. దీదీది. ఉత్త‌రాదిన దీదీగా పేరుతెచ్చుకున్న మాయావ‌తి బ‌యోపిక్ అది.
ఈ బ‌యోపిక్లో న‌టించ‌డానికి విద్యాబాలన్ త‌ల ఊపిన‌ట్టు స‌మాచారం. ఈ చిత్రాన్ని సుభాష్ క‌పూర్ ద‌ర్శ‌క‌త్వం వ‌హిస్తున్నారు. ఇప్ప‌టికే ద‌క్షిణాదిన తెర‌కెక్కుతోన్న జ‌య‌ల‌లిత బ‌యోపిక్‌ల‌లో ఒక‌దానికి సంబంధించి విద్యాబాలన్ పేరు వినిపిస్తోంది. మ‌రోవైపు దివంగ‌త ప్ర‌ధాన మంత్రి ఇందిరాగాంధీ పాత్ర‌ను ఆమె ఓ వెబ్‌సీరీస్ కోసం పోషిస్తోన్న సంగ‌తి కూడా తెలిసిందే. సో ఇటు ద‌క్షిణాదిన ఎన్టీఆర్ భార్య‌గా, జ‌య‌ల‌లిత‌గా, ఉత్త‌రాదిన దీదీగా, ఇందిరాగాంధీ... ఒక్క మాట‌లో చెప్పాలంటే విద్యాబాలన్ ఇప్పుడు బ‌యోపిక్‌ల రాణిలా విరాజిల్లుతోంద‌న్న‌మాట.