'விடாமுயற்சி' முதல் நாள் படப்பிடிப்பே அமர்க்களம்.. மாஸ் தகவல்..!
- IndiaGlitz, [Wednesday,October 04 2023]
அஜித் நடிப்பில், மகிழ்திருமேனி இயக்கத்தில், லைக்கா நிறுவனத்தின் தயாரிப்பில், அனிருத் இசையில் உருவாக இருக்கும் ’விடாமுயற்சி’ படத்தின் அறிவிப்பு கடந்த சில மாதங்களுக்கு முன்னர் வெளியானது. ஆனால் படப்பிடிப்பு நடைபெறும் தேதி தாமதமாகி கொண்டே வந்த நிலையில் ஒரு வழியாக இன்று அஜர்பைஜானில் ’விடாமுயற்சி’ படப்பிடிப்பு தொடங்கி உள்ளது.
இந்த நிலையில் இன்றைய முதல் நாள் படப்பிடிப்பில் அஜித் மற்றும் த்ரிஷா சம்பந்தப்பட்ட காட்சிகளின் படப்பிடிப்பு நடந்ததாக தகவல்கள் வெளியாகியுள்ளன. முதல் நாளே ரொமான்ஸ் காட்சிகளின் படப்பிடிப்பு நடந்ததாக தெரிகிறது.
மேலும் இந்த படத்தில் சுப்ரீம் சுந்தர் ஸ்டண்ட் இயக்குனர் ஆகவும் ஸ்ரீகாந்த் படத்தொகுப்பாளராக பணிபுரிய இருப்பதாகவும் இருவருமே ஏற்கனவே அஜர்பைஜானில் தான் இருக்கின்றார்கள் என்றும் கூறப்படுகிறது. எடிட்டர் ஸ்ரீகாந்த் ஏற்கனவே அஜித் நடித்த ’மங்காத்தா’ மற்றும் மகிழ்திருமேனி இயக்கிய சில படங்களில் பணிபுரிந்துள்ளார்.
சுப்ரீம் சுந்தர் ஸ்டண்ட் இயக்குனர் என்பதால் இந்த படத்தில் அதிரடி ஆக்சன் காட்சிகள் இருக்கும் என்று எதிர்பார்க்கப்படுகிறது, இன்னும் சில வாரங்கள் ரொமான்ஸ் மற்றும் ஸ்டண்ட் காட்சிகள் படமாக்கப்படும் என்றும் அதன் பின்னர் அடுத்த கட்ட படப்பிடிப்பிற்காக படக்குழுவினர் சென்னை வர இருப்பதாகவும் கூறப்படுகிறது.